वर्षाले अवरुद्ध बनेका सडक मर्मत गर्दै डोटीका स्थानीय

एकेन्द्र चन्द, डोटी आफ्नो गाउँ आफैं बनाउ भन्ने उद्देश्यका साथ लगातारको वर्षाले भत्किएका स्थानीय सडकहरु मर्मत गर्न डोटीका स्थानीय आफैँ जुटेका छन्। सडक अवरुद्ध हुँदा आवागमनमा समस्या भएपछि डोटीको जोरायल गाउँपालिका वडा नम्बर -६ को पहलमा वडाका  आमा समुह , महिला समुह स्वास्थ्य समुह लगायतको सक्रियतामा वडाका विभिन्न टोल जाने ग्रामीण सडक मर्मत गरिएका छन । बर्षाले सडकमा पहिरो गएपछी  सवारीसाधन चल्न नसक्ने अवस्था आएको थियो ।जस्ले गर्दा   विद्यालय जानेदेखि लिएर बिरामी बोकेर स्वास्थ्य संस्था पुग्न समेत कठिन हुन थालेपछि स्थानीयले गैंतीर कोदालोका भरमा सडक खुलाउने काम थालेका हुन्  सडक सघै खानेपानी मर्मत , निर्माणाधीन अवस्थामा रहेको नेपाल टेलिकमको निरौली स्थिति टावर सम्म बिधुत लाइन बिस्तार चौतारी सरसफाइ लगाएतका काम गरेको जोरायल गाउँपालिका वडा नम्बर -६ का वडा अध्यक्ष गणेश बोहराले बताउनु भयो । श्रमदान मार्फत सानिगाड , डाडागाउ र  ,खसरे,सिरोडा,गुनड,देउथला हुँदै जोरायल जाने सडक,खसरे, सुनारि,खतेना बगिडा पातल ,आरुबटा न्वाली ,ग्वानी सडक  सर्सफाइ तथा मर्मत गरिएको निरौली महिला विकास समाजका अध्यक्ष रिता बोहराले बताउनुभयो। पहिले विकास निर्माण कार्य गर्दा श्रमदान पनि गर्ने गरिन्थ्यो अहिले श्रमदान गर्ने क्रम लगातार घटिरहेको छ । विकास आफ्नै लागि भएकाले आफूहरू श्रमदानमा खटिएको स्थानीयले बताएका छन्।